Дүкеннің кассасы, қоймасы және сатуы — бір жүйеде
EsepTez — Қазақстандағы бөлшек және көтерме саудаға арналған платформа. Касса, тауар есебі, кіріс, көтерме сату, клиенттер мен аналитика бір базада жұмыс істейді: кассада сатылғаны бірден кабинетте, Telegram-да және есептерде көрінеді.
- Касса интернетсіз жұмыс істейді
- Қазақша және орысша
- Windows, macOS, Android, iPhone
- Claude және ChatGPT-ке қосылады
Бір база — көп жұмыс орны
Дүкендегі әркімнің өз жұмыс орны бар, ал деректер ортақ. Иесі бәрін көреді, кассир — тек кассаны, агент — өз бағасын.
- КабинетИесі, әкімші
Тауарлар, қойма, кіріс, есептер, қызметкерлер мен баптаулар — кез келген компьютердегі браузерде.
- КассаКассир
Windows және macOS қолданбасы. Интернетсіз сатады, чек басады, таразы мен терминалдармен жұмыс істейді.
- Мобильді қолданбаИесі, қоймашы
Телефондағы кабинет және камера арқылы штрихкод сканері: кіріс, түгендеу, бағалар.
- Сауда өкіліСапардағы агент
Өз баға деңгейіндегі каталог, өз клиенттері және телефоннан тапсырыс — қалдықты тексеріп.
- Баға тексергішЗалдағы сатып алушы
Залдағы планшет немесе ТЖТ: тауарды жақындатты — бағасын көрді, салмақтысын да.
- ВитринаКөтерме сатып алушылар
Фотосы, себеті және тапсырысы бар дүкен каталогы. Тапсырыс менеджерге келеді.
- Telegram-ботИесі мен клиенттер
Ауысымдар, қайтарулар, таусылып жатқан тауарлар мен күн қорытындысы — иесіне. Чек пен қарыз — клиентке.
- ЖИ-көмекшілерИесі
Claude және ChatGPT дүкен деректері бойынша жауап береді және жүкқұжаттан кіріс дайындайды.
Тоқтамайтын касса
Windows және macOS-қа арналған қолданба. Чектер компьютерде сақталады да, байланыс пайда болғанда серверге кетеді.
Интернетсіз сату
Каталог пен клиенттер кассада сақталады. Чектер ұзақ үзілістен кейін де өздігінен, қайталанбай жіберіледі.
Қолма-қол, карта, қарызға
Сома Halyk немесе Kaspi терминалына өзі кетеді, қолмен тергізбейді. Қарызға сату клиентке жазылады.
Жеңілдіктер мен баға деңгейлері
Кассир құқығы шегінде жолға немесе бүкіл чекке жеңілдік, бөлшек және көтерме баға, кейінге қалдырылған чектер.
Қайтарулар
Бүкіл чек немесе жеке жолдар — сол төлем тәсілімен. Қалдық қоймаға оралады, қайтару чегі басылады.
Ауысымдар және ақша жәшігі
Бастапқы қалдық, енгізу мен алу, жәшікте қанша болу керек, кассир шыққанда ауысым есебі.
QR-коды бар чек
Чек сурет болып басылады — қазақ әріптері жоғалмайды. QR арқылы сатып алушы электрондық көшірмесін ашады.
PIN-кодпен кіру
Әр кассирдің өз PIN-коды мен құқықтары бар: жолды өшіру, бағаны өзгерту, қарызға сату, қайтару.
Өзі жаңарады
Жаңа нұсқа фонда жүктеліп, ауысым жабылғанда орнатылады — сату кезінде ештеңе өзгермейді.
Өзі толтырылатын каталог
Штрихкодты сканерлеңіз — EsepTez ортақ каталог пен Ұлттық тауарлар каталогы бойынша атауын ұсынады.
Штрихкод бойынша ұсыныстар
Ұлттық тауарлар каталогынан, EsepTez дүкендерінің ортақ каталогынан және ашық базалардан атау мен НТИН.
Бірнеше штрихкод
Тауардың бірнеше коды болуы мүмкін, ал өз тауарларына дүкен кодтарды автоматты түрде алады.
Салмақты тауарлар және PLU
Таразы пернетақтасына арналған PLU нөмірі, даналық және салмақты бірліктер, қаптамалар мен қораптар.
Баға деңгейлері
Бөлшек, көтерме, «төмен» және «жоғары» баға — қанша керек болса. Касса мен агенттер өз деңгейін көреді.
Баға белгілері мен затбелгілер
Кез келген затбелгі термопринтеріне (Xprinter, Zebra, Godex) басу: 58×40, 58×30, 40×30, 30×20 мм, штрихкодымен.
PDF каталог
Мұқабасы мен мазмұны бар брендтелген А4 каталог — көтерме клиенттерге, төрт түсті тақырыпта.
Баға тарихы
Әр тауар бойынша бағаны немесе қалдықты кім және қашан өзгерткені.
Қалдықтар бақылауда
Әр нүкте бойынша қойма, тауар қозғалысы құжаттармен және тауар сөреде әлі бар кезде ескерту.
Шекті қалдық
Әр тауарға өз минимумы. Қалдық одан төмендегенде — кабинетте қоңырау және Telegram-ға хабар.
Түгендеу
Сканермен соқыр қайта санау. Санау кезіндегі сатулар ескеріледі — жалған жетіспеушілік болмайды.
Есептен шығару
Мерзімі өткен, ақау, жеткізушіге қайтару, жоғалту, өзіне — себебімен және жеткізуші қарызын азайтып.
Орын ауыстыру
Нүктелер арасында бірден немесе «жолда» арқылы, қабылдаумен және жетіспеушілікті есепке алып.
Жарамдылық мерзімі
Партиялар кіріс кезінде жасалады. Жеке бет — алдағы аптада не өтетіні.
Бірнеше нүкте
Дүкендер мен қоймалар бір кабинетте: өз кассалары, өз кассирлері, өз қалдықтары.
Кіріс кешке емес, бір минутта
Жүкқұжатты қайта тергізудің қажеті жоқ: суретке түсіріңіз, QR-ды сканерлеңіз немесе жеткізушінің Excel-ін жүктеңіз.
Жүкқұжат фотосы бойынша
1–5 фото — ЖИ атауларды, санды және бағаларды таниды, ал EsepTez жолдарды сіздің тауарларыңызбен өзі сәйкестендіреді.
EsepTez чегінің QR-ы бойынша
Жеткізуші де EsepTez-те жұмыс істесе — оның чегінің QR-ын сканерлейсіз, жолдар танусыз дәл түседі.
Excel-ден
Бағандар бір рет сәйкестендіріледі — EsepTez оларды әр жеткізуші үшін есте сақтайды.
Өзіндік құн
Өткізгенде орташа өзіндік құн өзі қайта есептеледі — есептердегі маржа шынайы.
Жеткізушілерге қарыз
Әр жеткізушіге қанша қарызсыз, төлемдер мен тарих — бір журналда.
Логистика
Әр кіріс бойынша тасымалдаушы мен жеткізу құны, тасымалдаушыларға қарыз.
Көтерме: витрина және сауда өкілдері
Дүкендерге сататындарға: тапсырыстар сайттан және агенттерден келеді, қойма жөнелткенде есептен шығады.
Дүкен витринасы
Фотосы, себеті және тапсырысы бар жеке каталог беті. Менеджер тапсырысты WhatsApp-та алып, мәртебесін сілтеме арқылы өзгертеді.
Агент қолданбасы
Сауда өкілі өз баға деңгейіндегі каталогты көріп, бекітілген клиентті таңдап, тапсырыс жібереді.
Қалдықты тексеру
Тауар жетпесе, агент мұны жөнелткеннен кейін емес, бірден біледі.
Тапсырыстар мен жүкқұжаттар
Мәртебелері бар тапсырыстар тізімі және жүкқұжат басу. Қалдық орындалғанда шегеріледі, бас тартқанда қайтарылады.
Клиенттер қайта келеді
Карталар, бонустар және қарыздар — әр клиенттің өз тарихы.
Жеңілдік және бонус карталары
Жеңілдік пайызы немесе ұпаймен кешбэк, штрихкодтармен топтап шығару, мерзімі және бонус журналы.
Қызметкер карталары
Сатушы өз картасын өткізеді — кім қанша сатқаны көрінеді.
Қарыз журналы
Кассадан қарызға сату, төлемдер және әр клиенттің қарыз қалдығы.
Telegram-дағы чек
Клиент чек пен бонустарды Telegram-да алады және өз сатып алулары мен қарызын өзі көреді.
Сенуге болатын сандар
Сатулар қайтаруларды шегеріп есептеледі, маржа — нақты өзіндік құннан.
Дүкенге шолу
Түсім, 14 күндік сату және назар аударатын нәрселер тізімі.
Касса есептері
Күн мен кезең бойынша түсім мен маржа, терминалдар бойынша карта төлемдері — банкпен салыстыруға.
Бағадағы қателерді іздеу
Терең талдау бөлшек бағасы көтермеден төмен, ал көтерме не бөлшек бағасы өзіндік құннан төмен тауарларды табады.
Қызметкерлер мен ауысымдар
Кім жұмыс істеді, қанша өткізді, қандай қайтарулар болды.
Әркімнің өз құқығы бар
Кім нені көретінін және не істей алатынын иесі шешеді.
Рөлдер
Иесі, қызметкер, сауда өкілі, баға тексергіш — әркімнің өз қолжетімділігі.
Нақты құқықтар
Жиырмадан астам рұқсат: кіріс, бағалар, қайтарулар, қарыздар, есептер, баптаулар.
Қауіпсіз кіру
SMS-кодпен тіркелу, белсенді сеанстар тізімі және барлық құрылғыдан шығу.
Дүкен қалтаңызда
Бір EsepTez боты: иесіне — дүкенде не болып жатқаны, клиентке — оның чектері мен қарызы. Бір реттік сілтеме немесе QR арқылы қосылады.
Иесіне және қызметкерлерге
- Ауысымның ашылуы мен жабылуы қорытындысымен
- Қайтарулар және өткізілген кірістер
- Тауар минимумнан төмендеді
- Күн қорытындысы — әр кеш
- /today және /low командалары
Клиенттерге
- Сатып алғаннан кейін бірден чек
- Есептелген бонустар
- Қайтару туралы хабар
- Өз сатып алулары мен қарызы — батырмалармен
Дүкеніңізден сұраңыз
EsepTez Claude және ChatGPT-ке қосылады. Көмекші дүкен деректерін сіздің құқығыңызбен көреді және қарапайым тілмен жауап береді.
- Тек жобаларКөмекші кірісті дайындайды, бірақ оны адам өткізеді. Қалдықтар сізсіз өзгермейді.
- Сіздің құқықтарыңызКөмекші оны қосқан пайдаланушыға рұқсат етілгенін ғана көреді.
- Жүкқұжаттарды тануЖүкқұжат фотосы кабинетте тікелей кіріс жолдарына айналады — көмекшісіз.
Кабинет пен сканер телефонда
Android және iPhone-ға арналған EsepTez қолданбасы: сол кабинет, бірақ камера штрихкод сканері болып жұмыс істейді, ал файлдар телефонға сақталады.
- Нативті сканерТелефон камерасымен штрихкод пен QR-ды жылдам оқу, шаммен.
- Рұқсат бір ретКамера әр сканерлеген сайын рұқсат сұрамайды.
- Файлдар телефонғаExcel үзінділері «Жүктеулерге» сақталып, бірден ашылады.
- Әрқашан жаңа нұсқаКабинеттің жаңа мүмкіндіктері қолданбада дүкеннен жаңартусыз пайда болады.
Дүкенде бұрыннан тұрған құрылғылармен жұмыс істейді
«Фирмалық» құрылғы сатып алудың қажеті жоқ — EsepTez кең таралған жабдыққа қосылады.
Rongta таразылары
PLU тізімі таразыға кассадан өзі жүктеледі — бағалар өзгергеннен кейін қолмен ештеңе көшірудің қажеті жоқ.
Салмақтық затбелгілер
Касса таразы затбелгісінің штрихкодынан салмақ пен тауарды оқиды.
Halyk және Kaspi терминалдары
Сома терминалға желі арқылы беріледі, қайтару — операция нөмірі бойынша.
Чек принтерлері
USB, желі немесе COM-порт арқылы 58 және 80 мм термопринтерлер, дүкен логотипімен.
Затбелгі принтерлері
Xprinter, Zebra, Godex және басқалары — қарапайым драйвер арқылы.
Сатып алушы дисплейі
COM-порттағы табло немесе цифрлық баға индикаторы.
Штрихкод сканерлері
Кассадағы кез келген USB-сканер және қолданбадағы телефон камерасы.
Ақша жәшігі
Қолма-қол төлегенде өзі ашылады.
Көшу — қолмен енгізусіз
- 1
Басқа бағдарламадан көшіру
Тауарлар мен қалдықтар топтап көшіріледі: ондаған мың позиция — бірнеше секундта. Таңдап салыстыруға және синхрондауға болады.
- 2
Excel-ден
Каталог пен кірістер бағандарды сәйкестендіріп кестелерден жүктеледі.
- 3
Демо-дүкен
Нақты деректері бар «Береке» дүкені — тіркелусіз ашылады.
- 4
Сынақ мерзімі
Сынақ мерзімінде барлық мүмкіндік тегін — карта байланыстырусыз.