Жүкқұжатты фото бойынша тану
Жеткізушінің жүкқұжатын суретке түсіріңіз — EsepTez оны оқып, кіріс жобасын жинайды: сіздің тауарларыңызды табады, саны мен сатып алу бағасын қояды, каталогта әлі жоқ тауарларға жаңа карточка ұсынады. Сізге жолдарды тексеріп, кірісті өткізу ғана қалады.
- Бір құжатқа 5 фотоға дейін
- Басылған және қолжазба
- Орысша және қазақша
- Телефоннан және компьютерден
Фотодан кіріске дейін — бірнеше минут
Тану әдетте бір минуттан аз уақыт алады, тексеру — жүкқұжаттағы жол санына байланысты.
Фото немесе файл
Жүкқұжатты телефон камерасымен түсіріңіз немесе компьютерде фотоны терезеге сүйреп әкеліңіз — алмасу буферінен қоюға да болады. Ұзын құжат — 5 фотоға дейін.
ЖИ құжатты оқиды
Жеткізуші және оның БСН-і, нөмірі мен күні, тауар жолдары, жиыны және ҚҚС — жүкқұжатта қалай жазылса, солай.
Каталогпен сәйкестендіру
Жолдар штрихкод бойынша, осы жеткізуші тауарды бұрын қалай атағаны бойынша және атауы бойынша табылады. Ұқсас атаулар — тек ұсыныс, шешімді сіз қабылдайсыз.
Тексеру және өткізу
Жолдарды тексересіз, қажет болса тауарды ауыстырасыз және кіріске жібересіз — қалдық пен өзіндік құн кіріс өткізілгенде жаңарады.
Тек басылған жүкқұжаттар емес
Жүкқұжаттар, шот-фактуралар, тауар чектері және қолмен жазылған тізімдер — орыс және қазақ тілінде.
Тауар жолдары
Әр жолдың атауы, штрихкоды, артикулы, саны, өлшем бірлігі, бағасы және сомасы.
Қаптама және дана
«3 қап. × 720 дана» — тауар сізде данамен есептелсе, саны мен бағасы данаға қайта есептеледі.
Қолжазба жүкқұжаттар
Қолмен жазылған жолдар да оқылады, ал арифметика тексеріледі: саны × бағасы сомаға сәйкес келуі керек.
Құжат жиыны
Жолдар сомасы жүкқұжат жиынына сәйкес келмесе, EsepTez айырмашылықты өткізгенге дейін көрсетеді.
Каталог кіріспен бірге толығады
Каталогта әлі жоқ тауарлар тікелей жүкқұжаттан жасалады, ал файл жіберетін жеткізушілер үшін Excel бар.
Жаңа карточкалар
Атауы, штрихкоды, өлшем бірлігі және сатып алу бағасы — жүкқұжаттан, санаты сіздің санаттарыңыздан таңдалады. Тауар кіріс өткізілгенде жасалады.
Сату бағасы — сіздікі
Жүкқұжаттан тек сатып алу бағасы алынады, бөлшек бағаны кірісте өзіңіз қоясыз.
Жеткізушінің Excel-і
Жеткізуші файл жібереді — Excel-ді жүктеңіз: бағандар әр жеткізуші үшін есте сақталады.
EsepTez чегінің QR-ы
Жеткізуші де EsepTez-те жұмыс істесе — оның чегіндегі QR-ды сканерлеңіз, кіріс жолдары өзі толады.
EsepTez-те жұмысты қалай бастау керек
- 1
Бірнеше минутта тіркелу
Телефон нөмірі және SMS-код — дүкен ашылды. Сынақ мерзімі тегін, карта қажет емес.
- 2
Тауарларды көшіру
Excel-ді жүктеңіз немесе каталог пен қалдықтарды басқа бағдарламадан көшіріңіз: ондаған мың позиция — бірнеше секундта.
- 3
Компьютерге не телефонға касса
Кассаны Windows немесе macOS-қа орнатып, кабинеттегі QR-кодпен кіріңіз не телефондағы EsepTez қосымшасының мобильді кассасында сатыңыз.
- 4
Телефоннан бақылау
Есептер, қалдықтар және күн қорытындысы — телефондағы кабинетте және Telegram-да.
Жиі қойылатын сұрақтар
Қандай құжаттарды тануға болады?
Орыс және қазақ тіліндегі басылған және қолжазба жүкқұжаттар, шот-фактуралар, тауар чектері мен тауар тізімдері. Фото анық болып, кестені толық қамтуы керек; ұзын құжатты бірнеше фотоға — бесеуге дейін түсіруге болады.
Жүкқұжат қаншалықты дәл танылады?
Басылған жүкқұжаттың анық фотосында жолдар әдетте қатесіз оқылады, бірақ мыжылған, бұлыңғыр немесе қолжазба құжатта ЖИ қателесуі мүмкін. Сондықтан EsepTez ештеңені өзі өткізбейді: әр жолды, табылған тауарды және жиынмен айырмашылықты көресіз, кірісті тексергеннен кейін өткізесіз.
Каталогта жоқ тауарлар не болады?
Мұндай жолдар жаңа тауар жобасына айналады: атауы, штрихкоды, өлшем бірлігі және сатып алу бағасы — жүкқұжаттан, санаты — сіздің санаттарыңыздан. Карточканы түзетуге болады, ал тауар каталогта кіріс өткізілгенде пайда болады.
Тарифке қанша тану кіреді?
«Дүкен» тарифінде — айына 30, «Про» тарифінде — 100. «Касса» тарифіне фото бойынша кіріс кірмейді.
Жүкқұжатты компьютерде тануға бола ма?
Иә. Компьютерде фото кіріс терезесіне сүйреп әкелінеді немесе алмасу буферінен қойылады (Ctrl+V), телефонда — кабинетте немесе EsepTez мобильді қосымшасында камерамен түсіріледі.